"Real Madrid" azarkeşlərinin gözlədiyi xəbər

“Real Madrid” heyətini 3 ulduz futbolçu ilə gücləndirməyə hazırlaşır.

“Kral klubu” “Bavariya”dan Alfonso Deyvis, “Arsenal”dan Vilyam Saliba və “Benfika”dan Antoniu Silvanı transfer etməyə hazırlaşır.

Bildirilir ki, “los blankos” bu keçidləri qışda tamamlaya bilməsə, növbəti yay reallaşdırmağa çalışacaq.

Qeyd edək ki, bu futbolçuları heyətinə qatmaq istəyən “Real” geridə qalan yay ərzində 3 oyunçu transfer edib. 103 milyon avroya Dortmund “Borussiya”sından cəlb olunan Cud Bellingemlə yanaşı, türkiyəli gənc istedad Arda Gülər, habelə müdafiəçi Fran Qarsiya "kral klubu" ilə müqavilə imzalayıb.