İdman
Pleyeri seçin:
"Real Madrid" və "Mançester Siti"dən fərqli nəticələr
İngiltərə Premyer liqasında ilk turun mərkəzi görüşü Londonda keçirilib.
“Stemford Bric” stadionunda “Çelsi” komandası son çempion “Mançester Siti”ni qəbul edib.
Görüşə gözlənildiyi kimi qonaqlar yaxşı başlayıblar. 18-ci dəqiqədə Erlinq Holand “şəhərlilər”i irəli çıxarıb. 1-ci hissədə başqa qol olmayıb.
Fasilədən sonra “Çelsi” təzyiqi artırsa da, hücumları nəticə verməyib. 84-cü dəqiqədə isə “zadəganlar”ın sabiq üzvü Mateo Kovaçiç qarşılaşmada son nöqtəni qoyub. “Çelsi” – “Mançester Siti”: 0-2.
La Liqada isə titulun son sahibi yeni mövsümə xal itkisi ilə başlayıb. “Malyorka”nın qonağı olan “Real Madrid” 13-cü dəqiqədə hesabı açıb. Rodriqo qapını dəqiq nişan alıb.
İlk hissə “los blankos”un minimal üstünlüyü ilə bitsə də, 2-ci yarının əvvəlinində Vedat Muriqi tarazlığı bərpa edib. Qalan vaxtda “kral klubu” hücumlarını sürətləndirsə də, qələbə topunu vura bilməyib. Oyun 1-1 hesabı ilə bitib.
Kopyalandı
