Qurban Qurbanov Xankəndidə keçirilən oyun haqda danışıb

“Həddindən artıq sevincliyəm. Neçə illər bunu həsrətlə gözləyirdik".

Bunu "Qarabağ"ın baş məşqçisi Qurban Qurbanov Xankəndidə MOİK-ə 1:0 hesabı ilə qalib gəldikləri Azərbaycan Kubokunun 1/8 final mərhələsinin oyunundan sonra mətbuat konfransında deyib.

“Oyundan danışmağa ehtiyac yoxdur. Bizim üçün çətin oldu. Həm həyəcan var idi, həm də sanki tam hazır deyildik. Burada futboldan başqa söhbətlər gedirdi – Xankəndi, Şuşa haqda danışılırdı. Buna görə bütün diqqəti futbola ayıra bilmirdik. Qolu da son dəqiqələrdə vurduq”, – 51 yaşlı mütəxəssis qeyd edib.