“Real Madrid” müdafiənin sol cinahına yeni futbolçu tapıb

“Liverpul”un əsas ulduzlarından Trent Aleksander-Arnold karyerasını İspaniyada davam etdirəcək.

İngiltərə mediasının əldə etdiyi məlumata görə, 26 yaşlı müdafiəçi “Real Madrid”ə keçmək qərarına gəlib.

Belə ki, müqaviləsi gələn yayadək olan Trent Aleksander-Arnold mövsümün sonunda “kral klubu”na azad agent kimi qoşulmağı planlaşdırır.

Bu isə “Liverpul” rəhbərliyini qane etmir. Transferin artıq qışda baş tutmasını istəyən funksionerlər bu keçiddən gəlir əldə etmək niyyətindədirlər.

Qeyd edək ki, dəyəri təqribən 70 milyon avro olan T.Aleksander-Arnold 2016-cı ildə “qırmızılar”ın əsas komandasındadır. Mersisaydlıların forması ilə 319 matça çıxan Trent Aleksander-Arnold 19 qol və 83 assistlə yadda qalıb. İngiltərədəki bütün daxili yarışların qalibi olan müdafiəçi Çempionlar Liqası, UEFA Super Kuboku və klublararası dünya çempionatında da qələbə qazanıb.