Pleyeri seçin:
Rövnəq Abdullayev FIFA prezidenti ilə görüşündən danışdı
Fevralın 28-də FIFA-nın prezidenti Canni İnfantino ilə AFFA-nın prezidenti Rövnəq Abdullayev arasında görüş keçirilib. Görüşdən sonra AFFA prezidenti FIFA TV-yə qısa müsahibə verib.
“Həmişəki kimi, FIFA prezidenti ilə görüşümüz çox yüksək səviyyədə keçdi. Həm infrastruktur, həm FIFA-nın həyata keçirdiyi layihələrdə AFFA-nın dəstək məsələlərini müzakirə etdik. Azərbaycan futboluna dəstəyinə görə FIFA-ya və rəhbərliyinə minnətdarlığımı bildirirəm. Azərbaycanda qadın futbolu cavan olsa da, müsəlman ölkələri arasında ən öncül sıralarda dayanır. FIFA-nın dəstəyi ilə 2013-cü ildə 17 yaşadək qızlar arasında dünya çempionatının keçirilməsi Azərbaycanda qadın futboluna böyük dəstək oldu və bu, inkişaf etməyə başladı”, - deyə Rövnəq Abdullayev bildirib.
Kopyalandı
