Sabiq UFC çempionu Həbib Nurməhəmmədov Premyer Liqa matçında

Yüngül çəkidə sabiq UFC çempionu Həbib Nurməhəmmədov İngiltərə çempionatında 21-ci turun “Arsenal” - “Mançester Yunayted” matçını stadiondan izləyib.

O, oyundan öncə və sonra çəkilən görüntülərini sosial media hesabında “Londonda gözəl bir gün” yazaraq paylaşıb. Nurməhəmmədov Kriştiano Ronaldonun qalmaqallı müsahibə verdiyi Pirs Morgan, habelə “Arsenal”ın üzvü Qabriel Jesusla da şəkil çəkdirib.

“Arsenal”ın 3-2 hesablı qələbəsi ilə yekunlaşan oyundan sonra Həbib arenanı tərk etməsinə dair video paylaşıb.