Pleyeri seçin:
Şahmatçımız Məhəmməd Muradlı gənclər arasında dünya çempionu olub
İtaliyanın Sardiniya adasında keçirilən 20 yaşadək şahmatçılar arasında dünya çempionatında daha bir təmsilçimiz 1-ci yeri tutub.
Oğlanların mübarizəsində blits növündə 11 görüşdən sonra 9,5 xal toplayan Məhəmməd Muradlı turnirin qızıl medalına yiyələnib. Qızların yarışında isə Gövhər Beydullayeva 7,5 xallıq göstərici ilə bürünc mükafatın sahibi olub.
Qeyd edək ki, Gövhər Beydullayeva sözügedən turnirdə daha əvvəl rapid növündə 11 turdan sonra 9 xal toplayıb. Bu nəticə ilə qrosmeysterimiz 1-ci yerə layiq görülüb. Məhəmməd Muradlı isə bu növdə 6,5 xalla 13-cü pilləni tutub.
Kopyalandı
