İdman
Pleyeri seçin:
Sentyabr ayı üzrə "Real"ın ən yaxşısı məlumdur
Fransalı hücumçu Kilian Mbappe sentyabr ayının yekununa əsasən “Real Madrid”in ən yaxşı futbolçusu seçilib.
O, azarkeşlər arasında keçirilən səsvermədə Vinisius Junior, Dani Karvahal, Rodriqo və Eder Militao kimi ulduzları geridə qoyub. Ötən ay 5 matça çıxan Mbappe bu görüşlərdə 6 qolla yadda qalıb.
Maraqlıdır ki, Kilian bu toplardan 3-nü penaltidən vurub. Ümumən isə forvard “Real” forması ilə bütün yarışlarda 11 oyunda 7 qolun müəllifidir.
Xatırladaq ki, bu ilin yayında azad agent kimi “los blankos”a qoşulan Mbappe artıq klubla ilk mükafatını qazanıb. Madrid komandasının 3-0 hesablı qələbəsi ilə yekunlaşan UEFA Superkuboku uğrunda qarşılaşmada Kilian da adını tabloya yazdırıb.
Kopyalandı
Seçilmişlər
