İdman
Pleyeri seçin:
Toral Bayramov bu türk klublarının diqqət mərkəzindədir
“Qarabağ”ın əsas heyət oyunçularından Toral Bayramov Türkiyənin daha bir kollektivinin transfer hədəfidir.
23 yaşlı futbolçu ilə “Trabzonspor” klubu yaxından maraqlanır. Bu barədə yerli mediada xəbərlər paylaşılıb.
Son məlumatlara görə, Türkiyə təmsilçisinin skautları futbolçunun bir neçə oyununu da izləyiblər.
İddia olunur ki, komanda Toralın keçidi ilə əlaqədar tezliklə “köhlən atlar”la danışıqlara başlayacaq.
Qeyd edək ki, müqaviləsi 2026-cı ilə qədər olan Toral Bayramov 2020-ci ildən “Qarabağ”ın əsas heyətindədir. “Köhlən atlar”ın forması ilə 182 qarşılaşmada 28 qol və 35 məhsuldar ötürmə müəllifi olan Toral 4 dəfə Premyer liqanın qalibi olub. Bundan başqa, o, 2 dəfə ölkə kubokunu başı üzərinə qaldırıb. Azərbaycan millisinin də vacib üzvlərindən olan T.Bayramov yığmada 29 matçda 4 qolla yadda qalıb.
Kopyalandı
