İdman
Pleyeri seçin:
“Tottenhem” - “Liverpul”, “Atletik” - “Barselona” matçı
Futbol üzrə İngiltərə Liqa kubokunda yarımfinalın 2-ci oyunu baş tutub.
Mükafatın son qalibi “Liverpul” səfərdə “Tottenhem”lə üz-üzə gəlib.
Londonda keçirilən qarşılaşmanın favoriti “qırmızılar” hesab olunsa da, qələbəni “mahmızlar” bayram edib.
İlk hissəsi qolsuz yekunlaşan matçda yeganə topu 86-cı dəqiqədə Lukas Berqvall vurub. “Tottenhem” – “Liverpul”: 1-0.
Minimal hesablı qalibiyyət sayəsində Şimali London klubu 2-ci görüşə üstün yollanacaq. Tərəflər arasında cavab qarşılaşması fevralın 5-i keçiriləcək.
Səudiyyə Ərəbistanında təşkil olunan İspaniya superkubokunda yarımfinalın ilk oyunu keçirilib. Son vaxtlar qeyri-sabit çıxış edən “Barselona” Ciddə şəhərində “Atletik”lə qarşılaşıb. 2 qolun qeydə alındığı matçda “blauqrana” Qavi və Lamin Yamalın topları ilə qələbəyə sevinib. Komanda yanvarın 12-si baş tutacaq finalda “Real” – “Malyorka” cütünün qalibi ilə üz-üzə gələcək.
Kopyalandı
