Pleyeri seçin:
Türkiyə millisi 24 il sonra DÇ-nin final mərhələsinə vəsiqə qazanıb - Baku TV
Futbol üzrə dünya çempionatı 2026-nın pley-off mərhələsinin final oyunları çərçivəsində Türkiyə millisi səfərdə Kosovonun qonağı olub.
Qarşılıqlı hücumlar şəraitində keçən matçın ilk 45 dəqiqəsində qol səsi eşidilməyib. İkinci hissəyə daha istəkli başlayan “ay-ulduzlular” tablodakı sıfırları dəyişməyə nail ola biliblər.
Daha dəqiq, görüşün 53-cü dəqiqəsində Kərəm Aktürkoğlu fərqlənərək komandasını irəli çıxarıb. Qalan dəqiqələr ərzində hər iki tərəfin bütün cəhdlərinə baxmayaraq, görüşdə başqa qol olmayıb.
Beləliklə, çətin Kosovo səfərində 1-0 hesablı qələbəyə sevinən Türkiyə millisi 24 ildən sonra adını DÇ-2026-nın final mərhələsinə yazdırmağı bacarıb. Mundialda Türkiyə millisi ABŞ, Paraqvay və Avstraliya yığmaları ilə birlikdə D qrupunda mübarizə aparacaq.
Dünya çempionatının oyunları bu il iyunun 11-dən iyulun 19-dək ABŞ, Kanada və Meksikada keçiriləcək.
Kopyalandı
#DÇ-2026 teqi istifadə olunub
Seçilmişlər
