Türkiyəli idmançı İrəvandakı yarışda huşunu itirdi

Ermənistanda keçirilən ağır atletika üzrə Avropa çempionatında bədbəxt hadisə baş verib.

Belə ki, 49 kq-da yarışan Türkiyə təmsilçisi Bayav Pelinsu təkanla qaldırma hərəkətini yerinə yetirərkən çəkinin öhdəsindən gələ bilməyib. Cəhdini uğursuzluqla yekunlaşdıran Bayav daha sonra huşunu itirib.

Qeyd edək ki, hadisədən sonra 21 yaşlı atletə tibbi yardım göstərilsə də, onun hazırkı vəziyyəti ilə bağlı dəqiq məlumat yoxdur.