Pleyeri seçin:
UEFA Çempionlar Liqasında qalib müəyyənləşəcək
Bu gün UEFA Çempionlar Liqasında 2023/2024-cü illər mövsümünün qalibi müəyyənləşəcək.
Turnirin finalında “Real Madrid” və “Borussiya Dortmund” klubları üz-üzə gələcək.
“Uembli” arenasında keçiriləcək qarşılaşma Bakı vaxtı ilə saat 23-də başlayacaq. Görüşdə ədalət prinsiplərini Slavko Vinçiçin idarə etdiyi hakimlər briqadası qoruyacaq.
Vacib oyun ərəfəsində Almaniya təmsilçisində bəzi itkilər var. Rami Bensebaini və Duranvil zədə səbəbindən meydanda olmayacaq. “Kral klubu”dan isə David Alaba və Orelyen Çuameni eyni səbəbdən komandaya kömək edə bilməyəcəklər.
Qeyd edək ki, görüşün favoriti “Real Madrid” qələbə qazanacağı təqdirdə tarixində 15-ci dəfə Çempionlar Liqasının qalibi olacaq. “Borussiya Dortmund” klubu bu uğura yalnız bir dəfə 1996-1997-ci illər mövsümündə imza atıb. “Sarı-qaralar” 2-ci dəfə fəxri mükafatı qazanmaq üçün mübarizə aparacaqlar.
Kopyalandı
Seçilmişlər
