UEFA "Qarabağ"ın qolunu həftənin ən yaxşısı seçə bilər

“Qarabağ”ın üzvü Yassin Benzianın “Hekken”lə matçda vurduğu qol UEFA tərəfindən fərqləndirilib.

Əlcəzairli oyunçunun dəqiq zərbəsi Avropa liqasında həftənin ən yaxşı qoluna namizəd olub. Bu barədə UEFA-nın rəsmi saytında məlumat verilib.

Futbolsevərlər qurumun saytına daxil olaraq, Avropa liqasına aid bölümdə ən yaxşı qol üçün səs vermək imkanına malikdirlər.