İdman
Pleyeri seçin:
UEFA Superkuboku: “Real Madrid” - “Atalanta” matçı
“Real Madrid” komandası UEFA Superkubokunun sahibi olub.
Çempionlar liqasının son qalibi olan “kral klubu” həlledici görüşdə ötən mövsüm Avropa liqasını qazanan “Atalanta” ilə üz-üzə gəlib.
Polşanın paytaxtı Varşavada yerləşən Milli Stadionda keçirilən matçda ilk hissə qolsuz bitib.
Fasilədən sonra İspaniya nəhəngi təzyiqi artırıb. “Real”ın hücumları 59-cu dəqiqədə bəhrəsini verib. Federiko Valverde hesabı açıb. Az sonra İtaliya təmsilçisi oyuna 2-ci dəfə mərkəzdən başlamağa məcbur olub. Bu dəfə Madrid kollektivinin yeni ulduzu Kilian Mbappe fərqlənib. Qalan vaxtda “Atalanta”nın dönüş etmək cəhdləri nəticəsiz qalıb.
Qarşılaşmada 2-0 hesablı qələbə qazanan “los blankos” tarixində 6-cı dəfə UEFA Superkubokuna yiyələnib. “Real” bu göstərici ilə əzəli rəqibi “Barselona”nı, eləcə də İtaliyanın “Milan” klubunu qabaqlayıb.
Kopyalandı
Seçilmişlər
