UEFA üzvləri İnfantinonun gecikməsinə görə FİFA-nın konqresini tərk ediblər

Dünən Paraqvayda baş tutan FIFA-nın növbəti konqresi qurumun prezidenti Canni İnfantinonun gecikməsi səbəbindən üç saat gec başlayıb.

FIFA-nın bəzi avropalı üzvləri İnfantinonun gecikməsinə görə dünya rəhbər orqanının konqresini nümayişkaranə şəkildə tərk ediblər. Konkret, UEFA-nın səkkiz üzvü və bir neçə Avropa nümayəndəsi konfrans mərkəzinə qayıtmayıb. Onların arasında assosiasiyanın prezidenti Aleksander Çeferin və İngiltərə Futbol Assosiasiyasının prezidenti Debbi Hyüit də olub. Bunun etiraz aksiyası çərçivəsində baş verdiyi qeyd edilib.

Artıq UEFA bununla bağlı bəyanat yayıb.

"FIFA Konqresinin cədvəlinə edilən son dəqiqə dəyişiklikləri çox təəssüf doğurur. FIFA Konqresi dünya futbolunun ən mühüm toplantılarından biridir və burada dünyanın bütün 211 ölkəsi taleyüklü məsələləri müzakirə etmək üçün bir araya gəlir.

Sırf şəxsi siyasi maraqlar üçün son anda cədvəlin dəyişdirilməsi futbola heç bir fayda vermir və görünür ki, onun maraqlarını ikinci yerə qoyur.

Biz hamımız öz mövqelərimizdə futbola xidmət edirik: küçələrdən tribunalara qədər. FIFA şurasının UEFA üzvləri bu səbəbdən futbolun başlıca amil olduğunu vurğulamağa və konqresi əvvəlcədən planlaşdırıldığı kimi tərk etməyə ehtiyac duydular”, – deyə UEFA-nın bəyanatında qeyd olunub.

İddia olunur ki, İnfantinonun bu həftə Dohada və Qətərdə ABŞ Prezidenti Donald Trampla görüşməyi üstün tutub. Bu isə avropalıların ürəyincə olmayıb.