Yığmamızın üzvü Polşa klubu ilə 2 illik müqavilə imzaladı

Azərbaycan millisinin üzvü Rahil Məmmədovun yeni klubu məlumdur.

28 yaşlı mərkəz müdafiəçisi karyerasını Polşanın “Radomyak” kollektivində davam etdirəcək. Təcrübəli oyunçu bu komanda ilə 2 illik müqavilə imzalayıb.

Qeyd edək ki, Rahil Məmmədov ötən mövsümü Polşanın digər komandası LKS klubunda keçirib. Lodz təmsilçinin heyətində ümumən 16 görüşə çıxan futbolçu bu oyunlarda fərqlənə bilməyib. Onun yeni klubu “Radomyak” da Polşanın əsas liqasında mübarizə aparır. 2023/2024-cü illər mövsümündə 38 xal toplayan kollektiv Ekstraklasanı 15-ci yerdə tamamlayıb.