Yunan-Roma güləşçisi Sənan Süleymanov Olimpiadanın 1/4 finalında

Paris Yay Olimpiya Oyunlarında daha bir yunan-Roma güləşçimiz ilk görüşünə çıxıb.

77 kq çəki dərəcəsində mübarizə aparan Sənan Süleymanov yarışa 1/8 finaldan başlayıb. Burada Bolqarıstanı təmsil edən erməniəsilli Ayk Mnatsakanyanla üz-üzə gələn pəhləvanımız qələbə qazanaraq 1/4 finala adlayıb.

Qeyd edək ki, 2020-ci ildə Avropa çempionu olan Sənan Süleymanov 2021 və 2023-cü illərdə dünya çempionatlarının bürünc medalına yiyələnib. Ötən il Budapeştdə keçirilən Qran-Pri turnirinin qalibi olan güləşçimiz 2021-ci ildə Konyada baş tutan İslam Həmrəyliyi Oyunlarınında isə 2-ci yerin sahib olub.