Pleyeri seçin:
Yunan-Roma güləşi üzrə yığmamız reytinq turnirində qalib gəlib
Xorvatiyada təşkil olunan güləş üzrə reytinq turnirinin son günündə daha bir pəhləvanımız qızıl medal qazanıb.
Yunan-Roma güləşçilərimizdən 72 kq çəki dərəcəsində yer alan Ülvü Qənizadə fəxri kürsünün ən yüksək pilləsinə qalxıb.
Ardıcıl olaraq Rumıniya, İsveçrə və Türkiyə nümayəndələrinə qalib gələn Ülvü finalda macarıstanlı Levente Levaya rəqib olub. Burada isə 7-0 hesablı qələbə qazanan Qənizadə yarışın qızıl medalına yiyələnib.
Xatırladaq ki, Zaqreb şəhərində keçirilən yarışda daha əvvəl yunan-Roma güləşçilərimizdən 77 kq-da çıxış edən Sənan Süleymanov çempion olub. 67 kq-da mübarizə aparan Həsrət Cəfərov isə bürünc mükafata yiyələnib. Bu nəticələrdən sonra 95 xal toplayan yunan-Roma güləşi üzrə millimiz komanda hesabında reytinq turnirinin qalibi olub.
Kopyalandı
#Yunan-Roma güləşi teqi istifadə olunub
- Serbiyada bürünc medal qazanan güləş üzrə U-23 millimiz Vətənə qayıdıb
- Millimiz dünya üçüncüsü oldu | Yunan-Roma güləşçilərimiz qələbə ilə vətənə döndülər
- İtaliyada keçirilən U-20 Avropa çempionatında yunan-Roma güləşi üzrə yarışa yekun vurulub
- Avropa çempionu olan güləşçilərimiz vətənə qayıdıblar
- Pəhləvanlarımız bir gündə 3 qızıl medal qazanıb
Seçilmişlər
