2026-cı ildə bu sahələrə 9 milyard manata yaxın vəsait ayrılacaq

Azərbaycanın 2026-cı il dövlət büdcəsində müdafiə və milli təhlükəsizlik xərcləri üçün rekord məbləğdə – təxminən 9 milyard manat (8 milyard 714,8 milyon manat) vəsaitin ayrılması proqnozlaşdırılır. Baku TV-nin təqdim etdiyi iqtisadi təhlildə Maliyyə Nazirliyinin açıqladığı ilkin göstəricilər əksini tapıb. Bu məbləğ 2025-ci illə müqayisədə 318,5 milyon manat çoxdur və ümumi büdcə xərclərinin 21 faizini təşkil edəcək. Vəsaitlər ordunun müasirləşdirilməsi, sərhədlərin toxunulmazlığının təmin edilməsi, işğaldan azad edilmiş ərazilərin minalardan təmizlənməsi və hərbçilərin sosial təminatına yönəldiləcək. 2026-2029-cu illəri əhatə edən ortamüddətli büdcə siyasətinin əsas hədəfləri və iqtisadiyyatın digər sahələrinə ayrılacaq dotasiyalar barədə ətraflı məlumat Baku TV-nin “İqtisadiyyat” rubrikasında.