Azərbaycan 18 ölkəyə qara qızıl satıb

2023-cü ilin yanvar-aprel aylarında Azərbaycan İtaliyaya 2 milyard 108 milyon 111 min ABŞ dolları dəyərində 3 milyard 362 milyon 269 min ton neft ixrac edib. Bununla da İtaliya Azərbaycanın ümumi neft ixracında birinci yerdə qərarlaşıb.

Dövlət Gömrük Komitəsinin hesabatına görə, Azərbaycanın ümumi neft ixracında (ixrac edilən neftin miqdarı və dəyərinə görə) ikinci yerdə Hindistan qərarlaşıb. Hesabat dövründə bu ölkəyə dəyəri 543 milyon dollardan çox olan 923 milyon tona yaxın neft ixrac edilib.

Azərbaycanın neft ixracı üzrə siyahıda üçüncü yeri İspaniya tutur. Yanvar-aprel aylarında bu ölkəyə 526 milyon 641 min dollar dəyərində 826 milyon 905 min ton neft ixrac edilib.

Məlumata əsasən, qeyd olunan göstəricilərdə hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatlar nəzərə alınıb. Beləliklə, hesabat dövründə 18 ölkəyə 5 milyard 715 milyon 409 min dollarlıq 9 milyard 235 milyon 906 min ton neft ixrac edib.