Azərbaycanda neçə Moldova şirkəti fəaliyyət göstərir? | Rəqəm açıqlandı

“Bu gün Azərbaycanda qeydiyyatdan keçən Moldova kapitallı 20 fəal şirkət nəqliyyat, sənaye tikinti, ticarət və xidmət sahələrində fəaliyyət göstərir”.

Bunu iqtisadiyyat nazirinin müavini Rövnəq Abdullayev deyib.

“Azərbaycan və Moldova uzun illərdir ki, qarşılıqlı etimada əsaslanan konstruktiv və faydalı dialoqu davam etdirir. Ölkələr arasında 67 sənəd imzalanıb. Bu sənədlər ticarət-iqtisadi əməkdaşlıq, azad ticarət rejimi, ikiqat vergitutmanın aradan qaldırılması, investisiyaların qarşılıqlı təşviqi və qorunması daxil olmaqla geniş sahələri əhatə edir.

Bugünkü biznes forum ikitərəfli əməkdaşlığa yeni təkan verəcək, hər iki ölkənin işgüzar dairələri üçün əlavə imkanlar açacaq və ölkələrimiz arasında daha da möhkəm və qarşılıqlı faydalı iqtisadi əlaqələr qurmağa imkan verəcək”, ‒ deyə o qeyd edib.