Bakı Qazma Məktəbi və BP arasında vacib müqavilə imzalandı

Beynəlxalq akkreditasiyaya malik təlim mərkəzi olan Bakı Qazma Məktəbi bp-nin Azərbaycan, Gürcüstan və Türkiyə regionu üzrə üçillik müqavilə imzalayıb.

Sənədə əsasən, Bakı Qazma Məktəbi Qazma Quyularına Nəzarət və real Simulyator təlimlərini, o cümlədən İnsan Faktoru və Heyət üçün Resursların İdarə Edilməsi üzrə təlim proqramlarını təmin edəcək.

Məqsəd həm bp, həm də onun subpodratçılarının əməkdaşları üçün təhlükəsiz və səmərəli qazma əməliyyatları ilə bağlı lazımi bilik və bacarıqları təchiz etməkdir.

Bakı Qazma Məktəbi ilə bp arasındakı bu əməkdaşlıq Xəzər regionunda istedadların inkişafı, enerji sənayesində mühüm mərhələ üçün vacib rol oynayır.

SOCAR-ın təsis etdiyi Bakı Qazma Məktəbi sənaye tendensiyalarına uyğun olaraq neft və qaz mütəxəssisləri üçün təhlükəsizliyə əsaslanan, innovativ, effektiv və kompleks təlim proqramları təqdim edir.

Bu, Xəzər regionunda təlim proqramları təqdim edən qabaqcıl çoxfunksiyalı X1-platinum simulyatoruna malik müasir Qazma Tədris Mərkəzidir.

Hazırda Bakı Qazma Məktəbi müştərilərin tələblərinə uyğun hazırlanmış kurslar təqdim edir və Neft-Qaz sənayesinin müxtəlif sahələri üzrə 60-dan çox təlim kursu təklif edir.