Büdcə gəlir mənbələrinin 12 istiqamət üzrə artacağı proqnozlaşdırılır

“Növbəti il üçün dövlət büdcəsi gəlirlərinin cari illə müqayisədə artacağı proqnozlaşdırılıb. Qanun layihəsinə əsasən, gəlir mənbələrindən 12-si üzrə artım, 7-si üzrə azalma nəzərdə tutulmuş, 1 mənbənin həcmi dəyişməz saxlanmış və 1 mənbə üzrə proqnoz nəzərdə tutulmayıb”.

Bunu Hesablama Palatasının sədri Vüqar Gülməmmədov Milli Məclisin noyabrın 19-da keçirilən plenar iclasında 2026-cı ilin dövlət büdcəsinin müzakirəsi zamanı bildirib.

“Növbəti il üçün dövlət büdcəsinin gəlirləri cari ilin göstəriciləri ilə müqayisədə ümumi həcmdə ciddi dəyişiklik nümayiş etdirməsə də, gəlirlərin tərkibində əhəmiyyətli struktur dəyişikliklərinin baş verməsi proqnozlaşdırılır. 2026-cı ilin icmal, o cümlədən dövlət büdcəsində neft gəlirlərinin əvvəlki dövrlə müqayisədə azalacağı, qeyri-neft gəlirlərinin isə artacağı proqnozlaşdırılıb”, – deyə Palata sədri qeyd edib.