Büdcə layihəsində sığorta ödənişlərinə nə qədər vəsait yönələcək? | Detallar açıqlandı

İşsizlikdən Sığorta Fondunun gəlirləri əsasən işləyənlərin və işəgötürənlərin vəsaitləri hesabına formalaşır.

İşsizliyə görə ödənişlər isə Fondun büdcəsinin çox kiçik hissəsini təşkil edir. Təkcə gələn il üzrə büdcə layihəsində işsizliyə görə sığorta ödənişlərinə 17 milyon manatın yönəldilməsi nəzərdə tutulub ki, bu da ümumi xərclərin cəmi 8,2 faizidir.

Vətəndaşların Əmək Hüquqlarının Müdafiəsi Liqasının sədri Sahib Məmmədov deyir ki, Fondun büdcəsində işsizliyə görə ödənişin az olması qanunvericiliklə bağlıdır.

Sahib Məmmədov onu da bildirib ki, işsizliyə görə ödənişin məhdud kateqoriya üzrə verilməsi bu vəsaitin tam şəkildə istifadə olunmamasına gətirib çıxarır. Yəni onsuz da az olan vəsaitin bir hissəsi xərclənmir. Lakin müqayisə üçün deyək ki, 2025-ci ildə Fondun büdcəsinin 57 faizinin müvafiq qurumların saxlanılmasına və onların göstərdikləri xidmətlərə xərclənməsi nəzərdə tutulub.