Daşınmaz əmlakın sığortalanmasında vacib yenilik | İqtisadçı məsələni şərh etdi - Baku TV
Yeniliklərdən dərhal xəbərdar olun
Azərbaycanda daşınmaz əmlakın icbari sığortası üzrə yeni konsepsiya hazırlanıb.
Tətbiq olunacaq yeniliyə əsasən, hadisə ilə bağlı sığorta ödənişi yaşayış sahəsinin yerləşdiyi ərazi və sahəsinə uyğun olaraq formalaşdırılacaq. Burada məqsəd xidmətin səviyyəsini artırmaq, sığorta ödənişləri və sığorta təminatı zamanı əmlakın dəyərinə daha yaxın məbləğdə ödəniş edilməsini təmin etməkdir.
İqtisadçı Eyyub Kərimlinin fikrincə, mövcud sistemdə bəzi hallarda sığorta ödənişləri əmlaka dəymiş zərəri tam qarşılamaq üçün kifayət etmirdi. Xüsusilə yüksək bazar dəyərinə malik yaşayış sahələrində mövcud sığorta təminatı ilə real zərər arasında uyğunsuzluq yaranırdı.
O bildirib ki, yeni yanaşmanın bu fərqin aradan qaldırılmasına və zərərin daha ədalətli şəkildə ödənilməsinə töhfə verəcəyi gözlənilir.
Hazırda daşınmaz əmlakın icbari sığortası üzrə sığorta təminatı Bakıda yerləşən yaşayış sahəsi üzrə 25 min, Sumqayıt, Gəncə və Naxçıvan şəhərlərində 20 min, digər şəhər və rayonlarda isə 15 min manatdır. Sığorta haqqına gəlincə, Bakı üzrə 50, Sumqayıt, Gəncə və Naxçıvan şəhərlərində 40, digər şəhər və rayonlarda isə 30 manat təşkil edir.
#Daşınmaz əmlak teqi istifadə olunub
- Xaricdə əmlak almaq investisiya baxımından sərfəlidirmi?
- Türkiyədə mənzil almazdan əvvəl bunları bilin | Ekspert vacib məqamlardan danışdı - Baku TV
- Ev sahibi olmaq istədilər, aldadıldılar | Yasamalda eyni mənzil neçə adama satılıb? - Baku TV CANLI
- "Gəldim ki, evimdə başqası yaşayır, təmir də edib" | Bir mənzil neçə nəfərə satılıb? - Baku TV
- Masazırda ev sövdələşməsi: 92 min manatın aqibəti necə oldu? - Baku TV CANLI
