Pleyeri seçin:
“Qoşadaş” sahəsində seysmik məlumatların toplanması layihəsinə başlanılıb - Baku TV
Xəbərlərimizi Google-da izləyin
Yeniliklərdən dərhal xəbərdar olun
"Caspian Geo" şirkəti "SOCAR Exploration"ın sifarişi ilə Xəzər dənizinin Azərbaycan sektorundakı "Qoşadaş" strukturunda 3D seysmik kəşfiyyat işlərinə başlayıb.
"SOCAR Exploration"ın məlumatına görə, tədqiqatlar dib seysmoqəbuledicilərindən (OBN) istifadə edilməklə aparılır.
Qeyd olunur ki, bu, son 1 il ərzində "SOCAR Exploration"ın rəhbərliyi altında həyata keçirilən üçüncü seysmik kəşfiyyat layihəsidir. Daha əvvəl şirkət xaricdə iki analoji fəaliyyət həyata keçirib.
Əldə olunan məlumatlar perspektivli obyektlərin kompleks qiymətləndirilməsini aparmağa imkan verəcək və gələcək kəşfiyyat qazma işlərinin planlaşdırılması üçün əsas rolunu oynayacaq.
Qeyd edək ki, şirkət SOCAR-ın perspektivli yataqların qiymətləndirilməsi də daxil olmaqla, ölkə daxilində və beynəlxalq miqyasda həyata keçirdiyi geoloji kəşfiyyat fəaliyyətinə rəhbərlik edir. Şirkət geoloji kəşfiyyat işləri proqramının planlaşdırılması və icrasına, həmçinin SOCAR-ın geoloji kəşfiyyat aktivləri ilə bağlı biznesin inkişafına və kommersiya fəaliyyətinə cavabdehdir.
Kopyalandı
#Qoşadaş sahəsi teqi istifadə olunub
Seçilmişlər
