"Qoşadaş" sahəsində dəniz dibinin tədqiqatı üzrə işlərə başlanılır - Baku TV
"Qoşadaş" sahəsində 3D OBN ("Ocean Bottom Node", Dəniz Dibi Nodlar) seysmik çöl işlərinin aparılmasına hazırlıq məqsədilə ilkin mərhələdə dəniz dibinin tədqiqatına başlanılır.
Azərbaycan Dövlət Neft Şirkətinin (SOCAR) yaydığı məlumata görə, tədqiqatın əvvəlcədən aparılması gələcəkdə seysmik çöl işləri zamanı nodların optimal yerləşdirilməsini və nəzərdə tutulan əməliyyatların səmərəliliyini təmin edəcək. Əldə olunan nəticələr seysmik proqramın uğurla həyata keçirilməsinə dəstək verəcək.
Tədqiqat çərçivəsində dəniz dibinin şəraitini dəqiq xəritələndirmək və potensial maneələri müəyyən etmək məqsədilə qabaqcıl çoxşüalı və sonar texnologiyalarından istifadə olunur ki, bu da dəniz dibi nodların daha təhlükəsiz və optimal yerləşdirilməsini təmin edir.
İşlər SOCAR-ın Geofizika və Geologiya İdarəsi (GGİ) tərəfindən "SOCAR Fugro" şirkəti ilə əməkdaşlıq çərçivəsində həyata keçirilir. Bu işlərin əvvəlcədən icrası gələcəkdə nəzərdə tutulmuş çöl işlərinin daha səmərəli aparılmasına və yüksək keyfiyyətli seysmik məlumatların əldə olunmasına şərait yaradacaq.
#SOCAR teqi istifadə olunub
- SOCAR investorların hesablarına nə qədər ödəniş etdi? - Baku TV
- Azərbaycan səfirliyi bu ölkədə yüzlərlə insan üçün iftar süfrəsi açdı - Baku TV
- BP və SOCAR Özbəkistanın Üstyurt bölgəsində birgə fəaliyyət imkanlarını öyrənir - Baku TV
- Kristofoli SOCAR-la əməkdaşlığı mühüm istiqamət kimi qiymətləndirib - Baku TV
- Kot-d’İvuar ilə Azərbaycan arasında enerji sahəsi ilə bağlı mühüm müzakirələr aparıldı - Baku TV
