Dərmanların və alternativ maşın yolunun yeni qiymətləri açıqlandı

Tarif Şurası ənənəvi yola alternativ olaraq yaradılan avtomobil yolundan istifadə üzrə gediş haqqını müəyyənləşdirib.

Belə ki, M-1 Bakı-Quba-Rusiya ilə dövlət sərhədi avtomobil yolunun Tağıyev qəsəbəsindən başlayaraq tikilən yeni avtomobil yolu üçün gediş tarifləri minik avtomobilləri və kütləsi 3,5 tona qədər olan yük maşınları üzrə 1 km üçün 9,3 qəpik müəyyən edilib.

Kütləsi 3,5 tondan yuxarı olan yük avtomobilləri və digər maşın-mexanizmlər üçün tarif isə 1 km üçün 11,6 qəpik təşkil edəcək. Avtobuslar üzrə isə bu yolun 1 km-i üçün tarif 7,8 qəpik müəyyənləşdirilib. Qoşqulu və yarımqoşqulu nəqliyyat vasitələri, o cümlədən TIR-ların ödənişli yoldan istifadəsi üçün qiymət 1 km üçün 19,4 qəpikdir.

İclasda həmçinin yeni dövlət qeydiyyatına alınan 202 dərman vasitəsinin qiymətinin yuxarı həddi təsdiq edilib. Etibarlı təchizatın təmin olunması üçün Səhiyyə Nazirliyindən müvafiq rəy alınan 48 dərman vasitəsinin qiymətinin yuxarı həddində dəyişikliklər aparılıb.