Pleyeri seçin:
Dövlət büdcəsinə neft-qaz sektoru üzrə daxilolmalar nə qədər artıb?
2025-ci ilin yanvar-sentyabr aylarında Azərbaycanın dövlət büdcəsinə neft-qaz sektoru üzrə daxilolmalar 14 milyard 149,6 milyon manat təşkil edib. Bu da 2024-cü ilin eyni dövrü ilə müqayisədə 7,1 % çoxdur.
Maliyyə Nazirliyinin məlumatına görə, hesabat dövründə neft-qaz sektorunun büdcə daxilolmalarındakı payı 48,6 % olub.
Neft-qaz sektorundan daxilolmaların 23,2 %-i və yaxud 3 milyard 288,8 milyon manatı vergi orqanlarının xətti ilə daxilolmaların, 76,8 %-i və yaxud 10 milyard 860,8 milyon manatı isə Azərbaycan Dövlət Neft Fondundan dövlət büdcəsinə transfertin payına düşüb.
Vergi orqanlarının xətti ilə daxil olmuş vəsaitlərin 53,2 %-i və yaxud 1 milyard 748,4 milyon manatı "Şahdəniz" yatağı üzrə mənfəət vergisi, 39,3 %-i və ya 1 milyard 291,6 milyon manatı Azərbaycan Dövlət Neft Şirkətinin ödədiyi vergilər, 7,6 %-i və yaxud 248,8 milyon manatı isə Azərbaycan Beynəlxalq Əməliyyat Şirkətinin mənfəət vergisinin hesabına formalaşıb.
Kopyalandı
#Maliyyə Nazirliyi teqi istifadə olunub
Seçilmişlər
