Əgər tədbir görülməsə... | Muxtar Babayev insanları gözləyən problemlərdən danışdı

“Dünya Bankının məlumatlarına görə, əgər heç bir tədbir görülməzsə, iqlim dəyişikliyi 2050-ci ilədək ölkələrin ÜDM-inə ciddi təsir göstərə bilər. Qlobal ÜDM-in iqlim dəyişikliyindən zərər görən regionlarda, xüsusilə də inkişaf etməkdə olan ölkələrdə 3-5 faizə qədər azalacağı proqnozlaşdırılır”.

Bunu ekologiya və təbii sərvətlər naziri, COP29-un müəyyən edilmiş prezidenti Muxtar Babayev Ombudsmanların Beynəlxalq Bakı Konfransında deyib.

“Əgər iqlim dəyişikliyinə qarşı tədbirlər görülməsə, dünya iqtisadiyyatı xüsusilə su qıtlığı, kənd təsərrüfatı istehsalında azalma, dəniz səviyyəsinin yüksəlməsi və ekstremal hava hadisələrinin artması səbəbindən uzunmüddətli ziyanla üzləşə bilər”, – deyə nazir qeyd edib.