Ələt limanı ilə bağlı önəmli layihə

“Ələt limanının ikinci fazasının inşası üzrə artıq müvafiq tapşırıqlar verilib və layihələndirmə işləri bu ilin oktyabr ayında bitəcək”.

Bunu rəqəmsal inkişaf və nəqliyyat naziri Rəşad Nəbiyev “Transxəzər Beynəlxalq Şərq-Qərb Orta Dəhlizi boyu “Bir pəncərə” prinsipindən istifadə etməklə tranzit gömrük prosedurunun sadələşdirilməsi layihəsi ilə bağlı region ölkələrinin gömrük xidmətləri rəhbərlərinin görüşündə deyib.

“Güman edirəm ki, layihənin nə zaman həyata keçirilməsi ilə bağlı son qərarımızı ilin sonuna qədər verəcəyik”, - deyə R.Nəbiyev qeyd edib.