Maliyyə nazirindən məbləğ artımı ilə bağlı mühüm açıqlama | Bu qədər vəsait nəzərdə tutulub

“Əməkhaqqı, pensiya və sosial müavinətlər, ünvanlı sosial yardım və təqaüd xərcləri üzrə minimum əməkhaqqının, minimum pensiya, ehtiyac meyarı və yaşayış minimumu məbləğinin artımları üçün 2025-ci ilin dövlət büdcəsində müvafiq məbləğdə vəsait nəzərdə tutulub”.

Bunu Milli Məclisin İqtisadi siyasət, sənaye və sahibkarlıq komitəsinin noyabrın 18-də keçirilən iclasında “Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov deyib.

“Növbəti ildə ünvanlı sosial yardımın təyin edilməsi üçün ehtiyac meyarı həddinin və yaşayış minimumunun məbləğinin 270 manatdan 285 manata çatdırılması, onlardan irəli gələn müvafiq xərclərin maliyyələşdirilməsi dövlət büdcəsi xərclərində əksini tapıb”, – deyə o qeyd edib.