Naxçıvanın qaza olan tələbatını ödəmək üçün ən effektiv üsul | Yeni qaz xətti barədə detallar

Xəbər verildiyi kimi, yaxın günlərdə İğdır‒Naxçıvan təbii qaz kəmərinin açılış mərasimi keçiriləcək.

Boru kəməri gündə 2 milyon kubmetr, ildə isə 730 milyon kubmetr təbii qaz ötürmək qabiliyyətinə malikdir. Bu da öz növbəsində Naxçıvan Muxtar Respublikasının qaza olan tələbatının tamamilə ödənilməsinə imkan verir.

Qeyd edək ki, hazırda Naxçıvana qaz nəqli İran vasitəsilə həyata keçirilir. Ekspertlərin sözlərinə görə, Naxçıvana İran üzərindən qazın nəql olunması digər ölkələr arasındakı “mavi yanacaq” mübadilələri ilə müqayisədə bir neçə dəfə bahadır.

Diqqətçəkən digər bir məqam isə odur ki, Azərbaycanla İran arasındakı sözügedən proseslə bağlı müqavilənin müddəti 2025-ci ildə bitir.

Maraqlıdır, qeyd olunan amillərin fonunda İğdır‒Naxçıvan kəmərinin İran vasitəsilə qaz nəqlinə hansı təsiri ola bilər?