Qaz hasilatı ilə bağlı rəqəmlər | 2023-cü ilin ilk ayları ilə müqayisədə…

2024-cü ilin yanvar-avqust aylarında Azərbaycanda 33 milyard kubmetr təbii qaz hasil edilib.

Energetika Nazirliyindən verilən məlumata görə, Azərbaycan Dövlət Neft Şirkəti 5,1 milyard kubmetr təbii qaz çıxarıb.

Hasil edilən qazın 8,7 milyard kubmetri “Azəri-Çıraq-Günəşli” yataqlar blokundan, 18,1 milyard kubmetri “Şahdəniz” yatağından, 1,1 milyard kubmetri “Abşeron” yatağından hasil olunub.

2023-cü ilin ilk 8 ayı ilə müqayisədə “Azəri-Çıraq-Günəşli” yataqlar blokundan qaz hasilatı 0,1 milyard kubmetr və ya 1,2 faiz çoxdur. “Şahdəniz” yatağından qaz hasilatı isə 0,5 milyard kubmetr və ya 2,8 faiz artıb.