Pleyeri seçin:
Qazaxda iki "KOB dostu" fəaliyyətə başlayıb
Qazax rayonunda sahibkarlıq fəaliyyətinin qurulmasına və inkişafına dəstək məqsədilə 2 “KOB dostu” fəaliyyətə başlayıb. “KOB dost”ları Azərbaycan Respublikasının “Qırmızı Körpü” gömrük-sərhəd buraxılış məntəqəsində və Qazax Gənclər Evində fəaliyyət göstərəcək.
Bu barədə KOBİA-nın İdarə Heyətinin sədri Orxan Məmmədov məlumat verib. O bildirib ki, Qazax Gənclər Evində fəaliyyət göstərəcək “KOB dostu” ofisi bölgədə sayca 6-cı ofisdir.
Məlumat verilib ki, mikro, kiçik və orta sahibkarlar gömrük xidmətlərindən istifadə edən zaman “Qırmızı Körpü” gömrük-sərhəd buraxılış məntəqəsində fəaliyyət göstərən “KOB dostu”na müraciət etməklə idxal-ixrac əməliyyatları, gömrük rəsmiləşdirilməsi və prosedurları ilə bağlı informasiya, məsləhət, hüquqi yardım kimi xidmətlərdən istifadə edə biləcəklər.
Kopyalandı
#KOB Dostu teqi istifadə olunub
Seçilmişlər
