Qazaxıstan BTC ilə neft ixracını artırıb | Avqustda dayandırılan tədarük bərpa edilib

2025-ci ilin oktyabr ayında Qazaxıstan Bakı-Tbilisi-Ceyhan (BTC) neft kəməri ilə 27 min ton neft ixrac edib.

"Report"un məlumatına görə, bu barədə "Reuters" agentliyi "Kaztransoil"a istinadən xəbər verib.

Məlumata görə, oktyabr ayında Qazaxıstan neftinin ixrac həcmi sentyabr göstəricisinə nisbətən 1,5 dəfə artıb.

Xəbər verildiyi kimi, BTC ilə nəql olunan Azərbaycan neftinin ayrı-ayrı partiyalarında üzvi xlorid izləri aşkar edildikdən sonra cari ilin avqustunda həmin marşrutla Qazaxıstan neftinin tədarükü dayandırılmışdı.

Agentlik həmçinin bildirir ki, Qazaxıstanın iri neft istehsalçısı olan "Tengizchevroil" şirkəti avqustdan bəri yaranmış fasilədən sonra noyabrda BTC ilə 130 min ton həcmində ixracı bərpa edə bilər.

Daha əvvəl Qazaxıstanın energetika naziri Yerlan Akkenjenova istinadən bildirilib ki, cari ildə ölkə BTC ilə 1,2 milyon ton neft tədarük etməyi planlaşdırır və 2026-cı ildə 1,5-2,2 milyon ton neftin nəqli mümkünlüyünü müzakirə edir.