Qızılın qiymətini artıran meyarlar | Ekspertlər nələri açıqladı? - Baku TV

Son dövrlərə qədər qiymət artımının bir qədər səngidiyi qızıl yenidən bahalaşmağa başlayıb.

Belə ki, qızıl fyuçerslərinin qiyməti bir unsiyası üçün 4 500 dolları keçərək tarixi maksimumu yeniləyib. Sonradan qiymət bir qədər ensə də, son günlərə qədər olan hədlə müqayisədə yüksəkdir. Ümumilikdə isə 2025-ci ildə qızılın qiyməti 70 faizdən çox artıb.

Maraqlıdır, bəs kəskin qiymət artımının arxasında hansı amillər dayanır və bahalaşmanın nəticələri nə ola bilər?

İqtisadçı Xalid Kərimli Baku TV-yə mövzu ilə bağlı açıqlama verib.

“Son vaxtlar ABŞ-nin Venesuela sahillərinə öz hərbi gəmilərini göndərməsi qızıl qiymətlərini artırır. Çünki qızıl gərginlikdən qidalanan təhlükəsiz aktivdir”, – deyə o bildirib.

Ekspert qızılın qiyməti və ABŞ dolları arasındakı əlaqəni qiymətli metalın bu valyuta ilə ifadə olunması ilə əsaslandırır. Bu baxımdan bahalaşmanın 2026-cı ildə də davam edəcəyini hesab edir.

İqtisadçı Rəşad Həsənov isə qızılın bahalaşmasını qısamüddətli dövrdə iqtisadi konyukturun və geosiyasi vəziyyətin proqnoz edilməməsi ilə izah edir.