"Həm dollar bahalaşır, həm də..." | İqtisadiyyatı nələr gözləyir? - Baku TV

Son aylar qiyməti enməkdə olan qızıl iyun ayında kəskin ucuzlaşıb.

Belə ki, bir ay əvvəl bir unsiyasının qiyməti 4500 dollar səviyyəsində dəyişən qiymətli metal 4000 dollara qədər ucuzlaşıb.

Maraqlıdır ki, qlobal iqtisadiyyatın təhlükəsiz limanı sayılan qızılın qiymətinin kəskin enməsi nə ilə bağlıdır? Ucuzlaşmanı böhran gözləntilərinin reallaşmayacağının əlaməti hesab etmək olarmı?

İqtisadçı Eldəniz Əmirovun sözlərinə görə, qızıl o zaman bahalaşır ki, digər investisiya istiqamətlərinə ümid azalır:

“Yəni ehtimallar azalır, risklər artır. O zaman ən etibarlı liman kimi investorlar qızıla üz tuturlar. Lakin proseslərin normallaşacağı gözlənildikdə qızıla olan tələb azalır”.

Ekspert deyir ki, bu da qiymətin enməsini labüd edir. Bundan başqa, qızılın qiyməti əvvəlki aylarda rekord səviyyələrə yüksəldiyi üçün bir çox investor satış edərək qazancını reallaşdırır.