SOCAR, BP və İsrailin daxil olduğu konsorsium Aralıq dənizində seysmik tədqiqatları başa çatdırıb
Yeniliklərdən dərhal xəbərdar olun
Azərbaycan Dövlət Neft Şirkəti (SOCAR), BP və İsrailin "NewMed Energy" şirkətlərindən ibarət konsorsium Aralıq dənizində İsrailin müstəsna iqtisadi zonasındakı seysmik tədqiqatları başa çatdırıb.
"Report"un məlumatına görə, 2D və 3D seysmik kəşfiyyat işləri, xüsusilə I Zonanın lisenziyalarının əhatə etdiyi sahələrdə (4, 5, 6, 7, 8 və 11-ci blokların ərazisində) aparılıb. Hazırda toplanmış məlumatlar emal olunur, tədqiqatların yekun nəticələrinin 2027-ci ildə əldə edilməsi gözlənilir.
Xatırladaq ki, 2023-cü ilin oktyabrında SOCAR, BP və "NewMed Energy" konsorsiumu "Leviafan" qaz yatağının yaxınlığında yerləşən I-6 Zonasında geoloji kəşfiyyat işlərinin aparılması üçün lisenziyaların alınması ilə bağlı İsrail Energetika Nazirliyinin elan etdiyi tenderin qalibi olub. Lisenziya 2025-ci il martın 17-də verilib.
Konsorsiumda SOCAR (layihə operatoru) 33,34%, BP və "NewMed Energy" isə ayrı-ayrılıqda 33,33% pay sahibidir.
#Azərbaycan Respublikası Dövlət Neft Şirkəti (SOCAR) teqi istifadə olunub
- Sənəd seysmoloji məlumatların emalı sahəsində əməkdaşlığı nəzərdə tutur - Baku TV
- “Star” NEZ illik nə qədər xam neft emalı gücünə malikdir? - Baku TV
- STAR neft zavodu sentyabrda nə qədər aviasiya yanacağı istehsal edib? - Baku TV
- SOCAR Rumıniyada 110-cu yanacaqdoldurma məntəqəsini istifadəyə verib - Baku TV
- SOCAR-ın Türkiyədəki zavodunda neft koksu istehsalı ilə bağlı rəqəmlər açıqlandı - Baku TV
