Sahibkarlara dəstək: KOBİA Beyləqanda sahibkarlarla görüşdü

Biznesin qurulmasına və inkişafına yerində hərtərəfli dəstək göstərən KOB dostlarının sayı Mil-Muğan iqtisadi rayonu üzrə 3-ə çatıb.

Bu barədə İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyindən (KOBİA) məlumat verilib.

Bildirilib ki, sayca 3-cü KOB dostu ofisi Beyləqan rayonunda fəaliyyətə başlayıb.

KOBİA və Beyləqan Rayon İcra Hakimiyyətinin təşkilatçılığı, bölgədə sahibkarlara xidmət göstərən dövlət qurumlarının nümayəndələrinin və sahibkarların iştirakı ilə Beyləqan KOB dostu rayonun biznes ictimaiyyətinə təqdim edilib.