SOCAR 2024-cü ilin birinci yarısını bu qədər xalis mənfəətlə başa vurdu | Detallar açıqlandı

Dövlət Neft Şirkəti 2024-cü ilin I yarısını 1,545 milyard manat xalis mənfəətlə başa vurub.

SOCAR-dan verilən məlumata görə, bu, 2023-cü ilin eyni dövrünə nisbətən 9,3% çoxdur.

Yanvar-iyun aylarında SOCAR-ın satışdan gəlirləri 45,054 milyard manat, satışının maya dəyəri 41,347 milyard manat olub. Bununla yanaşı, effektiv faiz dərəcəsi metodundan istifadə etməklə hesablanmış faiz gəlirləri 379 milyon manat, maliyyə xərcləri 1,046 milyard manat, məzənnə fərqi üzrə zərəri 86 milyon manat təşkil edib.

2024-cü il iyulun 1-nə SOCAR-ın aktivləri 72,581 milyard manat olub ki, bu da 1 il əvvələ nisbətən 3,2% çoxdur. Hesabat dövründə şirkətin öhdəlikləri 0,9% azalaraq 36,402 milyard manata, balans kapitalı isə 7,6% artaraq 36,179 milyard manata, o cümlədən nizamnamə kapitalı 5,3% artaraq 5,014 milyard manata çatıb.