SOCAR-da Enerji Dialoqu Platforması təşkil edilib - Baku TV

İyulun 2-də Enerji Dialoqu Platforması çərçivəsində SOCAR-ın "Eko-park"ında gənc media nümayəndələri üçün məlumatlandırma sessiyası keçirilib.

Sessiyada SOCAR-ın Ətraf mühitlə bağlı məlumatların açıqlanması və əlaqələrin idarə edilməsi Departamentinin rəisi Mustafa Qurbanlı çıxış edib.

O, etibarlı və dayanıqlı enerji təchizatçısı kimi SOCAR-ın dekarbonizasiya strategiyası çərçivəsində görülən işlərdən danışıb. Həyata keçirilən layihələr və qarşıya qoyulan hədəflər barədə məlumat verib.

"SOCAR Green" şirkətinin baş direktorunun müşaviri Elnar Mehdizadə isə çıxışında SOCAR-ın yaşıl enerji gündəliyindən və beynəlxalq tərəfdaşlarla birgə icra olunan layihələrdən bəhs edib.

Çıxışlardan sonra media nümayəndələrini maraqlandıran suallar cavablandırılıb.

Sessiya çərçivəsində jurnalistlər "Eko-park"ın ərazisi ilə tanış olub, burada görülən işlər barədə məlumatlandırılıblar.