SOCAR-da regional tərəfdaşların marağına səbəb olan yenilik - Baku TV

Regional tərəfdaşlar SOCAR-ın hazırladığı “Meta”nın monitorinqi üzrə süni intellekt əsaslı həllin tətbiqinə maraq göstərir.

Bu barədə SOCAR-ın Ətraf mühitlə bağlı məlumatların açıqlanması və yaşıl təşəbbüslər departamentinin rəhbəri Mustafa Qurbanlı “Bakı İqlim Fəaliyyəti Həftəsi 2026” çərçivəsində keçirilən panel müzakirəsində bildirib.

Mustafa Qurbanlı qeyd edib ki, SOCAR süni intellekt texnologiyalarını özünün korporativ dekarbonizasiya proqramına inteqrasiya edib. Xüsusilə, SOCAR-ın mütəxəssisləri tərəfindən metan emissiyalarının izlənməsi və azaldılmasına yönəlmiş “Methane AI” proqram təminatı yaradılıb.

“Methane AI” sistemi emissiyalar sahəsində prioritetləri müəyyən etmək və potensial riskləri proqnozlaşdırmaq üçün məlumatları yükləməyə imkan verir.

Departament rəhbəri deyib ki, məhsul artıq regional tərəfdaşlara nümayiş etdirilib və böyük marağa səbəb olub. Şirkət məhsulun gələcək inkişafı və regiondakı tərəfdaşlarla birgə tətbiqinin təşkilini həyata keçirir.