SOCAR daha bir yeniliyə imza atdı

Bu il Azərbaycan Dövlət Neft Şirkətinin Heydər Əliyev adına Neft Emalı Zavodunda “Euro-5” standartlarına uyğun avtomobil benzininin istehsalına başlanılması nəzərdə tutulur.

Bu barədə Nazirlər Kabinetinin 2023-cü ildəki fəaliyyəti haqqında hesabatda bildirilir. Sənədə əsasən, NEZ ötən il sözügedən məqsədlə qurğuların tikintisini 98,9% yerinə yetirib.

Zavodda həyata keçirilən yenidənqurma və modernləşdirmə layihəsinin məqsədi yüksək keyfiyyətli məhsul istehsalı ilə bərabər ətraf mühitə mənfi təsirin minimuma endirilməsidir.