İqtisadiyyat
Pleyeri seçin:
SOCAR-ın 60-cı yanacaqdoldurma məntəqəsi istifadəyə verildi
Ağdaşın Məşəd kəndi ərazisində “SOCAR” brendli yanacaqdoldurma stansiyası istifadəyə verilib.
Məntəqədə “Dizel”, “Aİ-92”, “Aİ-95” Premium və “Aİ-98” Super markalı yanacaq məhsullarının satışı üçün 6 yanacaqpaylayıcı kalonka quraşdırılıb.
Yeni yanacaqdoldurma stansiyası həmçinin elektromobillər üçün şarj avadanlığı ilə təchiz edilib. Şarj məntəqəsində eyni vaxtda iki elektromobil şarj edilə bilər.
Məntəqədə nağdsız satış üçün POS-terminallar da fəaliyyət göstərəcək. Yeni yanacaqdoldurma stansiyasında həmçinin 26 nəfər işlə təmin olunub.
Qeyd edək ki, Ağdaşda fəaliyyətə başlayan məntəqə ilə birlikdə ölkə ərazisində “SOCAR” brendli 60 yanacaqdoldurma stansiyası və 12 neft bazası sahəsi fəaliyyət göstərir. Onlardan 8-i işğaldan azad edilən Qarabağ və Şərqi Zəngəzur iqtisadi rayonlarındadır.
Kopyalandı
Seçilmişlər
