SOCAR-ın prezidenti Rumıniyanın energetika naziri ilə görüşdü

SOCAR-ın prezidenti Rövşən Nəcəf Rumıniyanın energetika naziri Sebastian Burduja ilə görüşüb.

Görüşdə Cənub Qaz Dəhlizinin genişləndirilməsi istiqamətində görülən işlərin önəmi qeyd olunub.

Bu xüsusda 2023-cü ilin aprelində Sofiyada SOCAR, “Transgaz” və digər şirkətlər arasında Anlaşma Memorandumunun imzalanmasının “Həmrəylik halqası” təşəbbüsünün reallaşması istiqamətində atılan mühüm addım olduğu bildirilib.

Tərəflər SOCAR-ın Rumıniya bazarında fəaliyyəti, müxtəlif marşrutlar üzrə qaz təchizatı və nəqli, qarşılıqlı maraq doğuran digər məsələlər üzrə fikir mübadiləsi aparıblar.