İqtisadiyyat
Pleyeri seçin:
SOCAR-ın qaz hasilatında yüksəliş
2023-cü ildə SOCAR-ın müstəqil şəkildə və ya əsas payçı qismində istismar etdiyi yataqlarda 7,7 milyon ton neft, 8,4 milyard kubmetr qaz hasil olunub.
2022-ci illə müqayisədə neft hasilatı nisbətən sabit qalıb, qaz hasilatı isə 4 faiz artıb.
Hesabat dövründə SOCAR xarici bazarlara 17,8 milyon ton neft ixrac edib. Bura şirkətin öz imkanları ilə çıxardığı neft həcmləri ilə birlikdə Azərbaycanda fəaliyyət göstərən beynəlxalq konsorsiumlar tərəfindən hasil olunan neftin dövlətimizə və SOCAR-a məxsus mənfəət payları da daxildir.
SOCAR-ın eyni zamanda Azərbaycandakı müəssisələrində istehsal olunan 2,2 milyon tondan çox neft, neft-kimya və qaz-kimya məhsulları da xarici bazarlara ixrac edilib. 2023-cü ildə şirkət 6,3 milyon ton neft, 3,5 milyard kubmetr qaz emal edib.
SOCAR bu dövrdə həmçinin 74 min metrə yaxın qazma işləri həyata keçirib. Bu da 2022-ci illə müqayisədə 1,2 faiz çoxdur.
Kopyalandı
Seçilmişlər
