SOCAR-ın səhmdar olduğu “Şəfəq” GES layihəsində yeni iştirakçı - Baku TV

BP şirkəti "Shafag Jabrayil Solar Limited" şirkətində 10 faiz iştirak payını "MVM Energetika" şirkətinə satıb.

Beləliklə, "Şəfəq" günəş enerjisi layihəsində paylar hazırda belədir: BP 40,01 faiz, "SOCAR Green" 39,99 faiz, Azərbaycan Biznesinin İnkişafı Fondu 10 faiz və "MVM Energetika" şirkəti 10 faiz təşkil edir.

Layihə çərçivəsində tikinti işlərinin 2027-ci ildə başa çatması planlaşdırılır. Cəbrayılda inşa olunan bu 240 MVt gücündə stansiyanın ildə təxminən 500 QVt/saat bərpa olunan enerji istehsal edəcəyi gözlənilir.

Qeyd edək ki, "Şəfəq" günəş enerjisi layihəsi Səngəçal terminalının elektrikləşdirilməsi layihəsi ilə "virtual enerji ötürmə mexanizmi" adlanan yeni kommersiya modeli vasitəsilə sıx əlaqəlidir. Bu mexanizmə əsasən, Səngəçal terminalı "AzərEnerji"nin idarə etdiyi dövlət elektrik şəbəkəsinə qoşulacaq. Bunun üçün terminal ərazisinin həm daxilində, həm də ondan kənarda yeni obyektlər inşa ediləcək.