SOCAR istiqrazları üzrə ümumi qazanc 13 milyon dolları ötdü | Detallar açıqlandı

Nominal qiyməti 1000 dollar, tədavül müddəti 5 il, illik gəlirliliyi 4,5 % olan və kupon gəlirləri rüblük qrafiklər əsasında ödənilən SOCAR İstiqrazlarının 2024-cü il üzrə 1 milyon 125 min dollarlıq sonuncu kupon ödənişi noyabrın 1-də istiqraz sahiblərinin hesablarına köçürülüb.

“SOCAR Capital” şirkətindən verilən məlumatda bildirilir ki, istiqrazların növbəti kupon ödənişi 2025-ci ilin fevralın 1-də baş tutacaq.

Yerli fond bazarında ən çox ticarət olunan korporativ qiymətli kağız statusuna sahib SOCAR İstiqrazları 12-ci kupon ödənişi nəticəsində sahiblərinə növbəti dəfə 1 milyon 125 min ABŞ dolları gəlir gətirib. İstiqraz sahiblərinin ümumi qazancı 13 milyon 500 min ABŞ dollarına yüksəlib. Hazırda SOCAR İstiqrazlarının təkrar bazar əməliyyatlarının həcmi 50 milyon dollara çatıb.

Bağlanmış əqdlərin sayı isə 900-dür. 2016-cı ildən indiyədək investorlarına 40 milyon dollara yaxın gəlir qazandırıb. İstiqrazlar 1 və 5 saylı “ASAN xidmət” mərkəzlərindəki SOCAR İstiqrazları köşklərindən və Azərbaycanda fəaliyyət göstərən rəsmi investisiya şirkətlərindən əldə edilə bilər.

Əlavə məlumat üçün *1999 çağrı nömrəsi ilə əlaqə saxlaya və ya “socarcapital.az”, “socaristiqraz.az” veb-saytlarına müraciət edə bilərsiniz.